تمر السنين وتتغير الأحوال وأنا سنيني مستمرة بنفس الحالة بهدوء
أعيش هم غيري وغيري ما يسمح لي بالفرح لو من حياته بيوم
صرنا في حياة شعارها " هات ولا تاخذ" ووقت الخطأ عليك اللوم
هذا يحتفل بمولده وهذي تحتفل بالنجاح وأنا بالابتسامة احتفل يا دوب
هل هو قدر او حظ او نصيب وكلها في نفس الخانة مصيرها تكون
لكن الحظ فترات تحت وفترات فوق وأنا دايم حظي في حالة نوم
مطلوب أساعد الغير وأكون وقت الأمر حاضر ووقت طلبي ممنوع
قالوا " كل ممنوع مرغوب" طيب إذا حياتي كلها ممنوع كيف أكون
صار النفاق بين البشر عادة والمصالح صارت شعار المعرفة بالوجود
والصدق صار شعار الضعاف وحتى وقت الصدق تصيبك شكوك
لو كان الألم يمر بعد عالجه بالدوى طيب ليه ألمي ما يغادرني دوم
أو هو حالة نادرة مالها علاج وما راح اشفي منه إلا أكيد بالموت
رحماك ربي ليه دنيا البشر صارت مجرد أفاعي وعقارب وسموم
وين طهارة قلوبهم البيضة وليه السواد في قلوبهم غطى على كل لون
صرت مجرد ابتسم وحياتي مستمرة بهدوء وأتابع ما حولي بالعيون
لا همس ولا كلام يصدر مني وصرت محاسب على كلمة بالقول
بهدوء خليني عايش وخلي الهم بداخلي يسكن والفرح طريقه مسدود
0 التعليقات:
إرسال تعليق