قالت اليوم في العالم من أيام السنة ابدا كان مو طبيعي في مروره
قلت ليه هل الشمس ما أشرقت ولا غربت والطير ما غرد بشجونه
ولا صلينا فروضنا الخمس ودعينا الخالق برحمته يحن على مخلوقه
أو ما سمعنا صوت دعاء امهاتنا لنا بالتوفيق ويحمينا من الحسود وشروره
وعقارب ساعتنا استمرت في دورانها والثواني تدق مثل قلب عاشق لمحبوبه
وشعرنا بدفى الصباح وهمسة برودة المسى مثل كل يوم طبيعي في مروره
والأماني بداخلنا هي الأماني ما تغيرت ونقول ياريت يتحقق لكل منا مطلوبه
حتى الحزن لذكرى باقِ نتذكره مع كل دمعة مظلوم انسرقت منه حقوقه
والأمل هو الأمل نشوفه في نهاية طريق مظلم ينير لكل طموح بالخير دروبه
حتى اليأس يعيش لحظات يومية بداخلنا ونحاول نطرده بكل وجوهه
وتقولي يا حياتي انه هاليوم مو طبيعي جاوبتك والان منتظر ردك بوضوحه
منتظر شرح وافي يشرح لي حيرتي بداخلي والشك مثل بركان بجنونه
قالت مو طبيعي لأني اشعر بشوقك مو الشوق اللي اعتدت على جنونه
وكلام الغزل تبعثر بين قسوة الزمن ونسيت عاشق لك يفداك بكل وجوده
انت عالمي وما يعنيني لا الصبح ولا المسى لو بحضنك ما عشت كل ظروفه
0 التعليقات:
إرسال تعليق